WATANYŇ BUÝSANÇLY ZENANLARY

---

Опубликовано: 31.10.2025 Просмотрено: 18

---

WATANYŇ BUÝSANÇLY ZENANLARY

    Ýaňy-ýakynda Türkmenistanyň Zenanlar birleşiginiň Merkezi Geňeşiniň we Türkmenistanyň Gurluşyk we binagärlik ministrliginiň ilkinji zenanlar guramasynyň bilelikde guramaklarynda Aşgabat gurluşyk orta hünär okuw mekdebinde “Ösüşlere beslenen parahat, asuda Watanyň buýsançly zenanlary” ady bilen wagyz-nesihat çäresi geçirildi.

    Wagyz-nesihat çäresinde Türkmenistanyň Gurluşyk we binagärlik ministrliginiň Umumy bölüminiň baş hünärmeni, Ilkinji zenanlar guramasynyň başlygy Aýna Wolmyradowa, Türkmenistanyň Zenanlar birleşiginiň Merkezi Geňeşiniň Guramaçylyk we medeni köpçülik işleri bölüminiň esasy hünärmeni Soltan Orazalyýewa, Türkmenistanyň Adalat ministrliginiň Raýat ýagdaýynyň namalarynyň ýazgysynyň müdirliginiň Gözegçilik bölüminiň baş maslahatçysy, Türkmenistanyň Zenanlar birleşiginiň Merkezi Geňeşiniň işjeň agzasy Nurbike Amanowa, Aşgabat şäheriniň 5-nji saglyk öýüniň maşgala lukmany, Türkmenistanyň Zenanlar birleşiginiň Merkezi Geňeşiniň işjeň agzasy Ogulsabyr Rejepowa, Aşgabat şäheriniň 165-nji çagalar bagynyň terbiýeçisi, Türkmenistanyň Zenanlar birleşiginiň Merkezi Geňeşiniň agzasy Oraztäç Nuryýewa, täsirli çykyş etdiler. Olar öz çykyşlarynda häzirki döwürde Diýarymyzda zenanlaryň mümkinçilikleriniň artdyrylmagyna uly ähmiýet berilýýändigini, ýurdumyzda amala aşyrylýan giň gerimli işlere işjeň gatnaşýan gelin-gyzlaryň Gahryman Arkadagymyzyň başyny başlan we hormatly Prezidentimiz tarapyndan üstünlikli durmuşa geçirilýän özgertmeleriň ilerlemegine uly goşant goşýandygyny bellediler.

    Maslahatyň dowamynda edilen çykyşlarda türkmen halkynyň her bir raýatynyň ýaşaýyş-durmuş şertlerini, hal-ýagdaýyny ýokarlandyrmakda alyp barýan işleri, ýaş nesilleriň sazlaşykly ösmegi, talabalaýyk dynç almagy, dünýä ylmyna aralaşmagy, eneleriň we çagalaryň saglygy baradaky edýän çäksiz aladalary üçin Gahryman Arkadagymyza, Arkadagly Gahryman Serdarymyza bolan buýsançly sözler beýan edildi.